पणजी: गुरुवारी रात्री मेघगर्जनेसह अवकाळी पावसाने राजधानी पणजी आणि परिसराला झोडपले. शुक्रवारीही राज्यातील काही भागांत पाऊस पडण्याची शक्यता हवामान खात्याच्या वेधशाळेने वर्तवली आहे. (Temperature drops in goa)

गुरुवारी रात्री वादळी वाऱ्यासह पावसामुळे काही ठिकाणी पडझड झाली. त्यामुळे अग्निशमन दलाच्या जवानांनी घटनास्थळी धाव घेऊन मदतकार्य केले. 2 मेपर्यंत तापमान वाढण्याची शक्यता नसल्याचे हवामान खात्याच्या वेधशाळेने वर्तविले आहे. गुरुवारी राज्यात कमाल तापमान 34.4 अंश सेल्सिअस, तर किमान तापमान 26.8 अंश सेल्सिअस इतकी नोंद झाली.