तेलगू अभिनेत्री आणि सोशल मीडिया इन्फ्युएन्सर सौम्या शेट्टी हिला चोरीच्या आरोपाखाली अटक करण्यात आली आहे. सौम्याने विशाखापट्टणममधील एका सेवानिवृत्त पोस्टल कर्मचाऱ्याच्या घरातून 150 तोळे सोने चोरल्याचा आरोप आहे.
विशाखापट्टणम पोलिसांनी दिलेल्या माहितीनुसार, सौम्याविरोधात चोरीच्या चार वेगवेगळ्या घटनांची नोंद आहे. सोने चोरी केल्यानंतर सौम्या मौजमजा करण्यासाठी गोव्याला गेली.
गोव्यात मौजमजा करण्यासाठी आणि प्रवासासाठी तिला पैशांची गरज होती म्हणून तिने ही चोरी केली. सोने विक्री करुन मिळालेले पैसे घेऊन तिने गोवा गाठला.
चोरीचे पैसे घेऊन गोव्यात गेल्यावरही तिने रील बनवणे सुरू ठेवले होते. सेवानिवृत्त पोस्टल कर्मचाऱ्याच्या घरात चोरी करणारा चोर दुसरा कोणी नसून अभिनेत्री सौम्या शेट्टी असल्याचे या प्रकरणाचा तपास करणाऱ्या विशाखापट्टणम गुन्हे पोलिसांना आढळून आले आहे.
विशाखापट्टणम पोलिसांनी दिलेल्या माहितीनुसार, सौम्याचे बाथरूममधून बेडरूममध्ये गेली. त्यानंतर तिने 150 तोळे सोन्याची चोरी केली. पोलिसांनी तिच्याकडून 74 ग्रॅम सोने जप्त केले असून, या प्रकरणाचा अधिक तपास सुरू आहे.
सौम्याला अटक करण्यात आली असून, पोलिस रिमांड देण्यात आला आहे. सौम्याचे इंस्टाग्रामवर 100 हजारांहून अधिक फॉलोअर्स आहेत. तिने द ट्रिप, योर्स लव्हिंगली इत्यादी काही तेलुगू चित्रपटांमध्ये काम केले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.