पणजी: राज्यात हल्लीच विद्यार्थ्यांना मारहान करण्याच्या दोन-तीन घटना घडल्या आहेत. शिक्षक विद्यार्थ्यांसोबत असे कसे काय वागू शकतात ? याचेच मला आश्चर्य वाटते. शिक्षक आपल्या घरी घडलेल्या घटनांचा राग त्या मुलांवर काढतात की काय ? असे मला वाटू लागले आहे, परंतु असले प्रकार खपवून घेणार नसल्याचा इशारा मुख्यमंत्री डॉ. प्रमोद सावंत यांनी दिला.

नसून काल कामुर्ली येथील घडलेल्या प्रकारावर हलगर्जीपणा केला जाणार नाही. त्या शिक्षिकेचे शिक्षण खात्याद्वारे निलंबनासहितच पोलिसांकरवी योग्य ती कारवाई करण्यात येईल, अशी ग्वाही मुख्यमंत्री डॉ. प्रमोद सावंत माध्यमांशी बोलताना दिली.

शिक्षिकेवर कारवाईचे आदेश : झिंगडे

कामुर्ली येथे शाळेत घडलेला प्रकार हा निंदनीय असून असे प्रकार घडणे ही आमच्यासाठी शरमेचे गोष्ट आहे. जनावरांनाही अशा रितीने कोणी मारहाण करीत नाही. त्या लहान मुलाला मारहाण करणाऱ्या शिक्षिकेबाबत योग्य ती कारवाईचे आदेश शाळेच्या व्यवस्थापनाला दिले आहेत.

एखादी लहान घटना जरी घडली तरी शाळा व्यवस्थापन शिक्षण संचालनालयाला कळवत असते. ज्या प्रकारे मुलाला मारहाण केली आहे, त्याबाबत कठोर कारवाई करण्यात येणार असल्याचे शिक्षण संचालक शैलेश झिंगडे यांनी सांगितले.