म्हापसा: हडफडे येथील 'बर्च बाय रोमिओ लेन' नाईट क्लबचे सह-मालक अजय गुप्ता याला म्हापसा पोलिसांनी अटक केली असून न्यायालयाने त्याल ५ दिवसांची पोलीस कोठडी सुनावली आहे. नाईट क्लबसाठी आवश्यक असणारे व्यावसायिक परवाने मिळवण्यासाठी गुप्ता यांनी बनावट आरोग्य प्रमाणपत्रांचा वापर केल्याचा गंभीर आरोप त्याच्यावर ठेवण्यात आला आहे.
तपासादरम्यान असे निष्पन्न झाले आहे की, नाईट क्लब चालवण्यासाठी लागणारी वैधानिक परवानगी मिळवण्यासाठी गुप्ता यांनी बनावट कागदपत्रे आणि आरोग्य प्रमाणपत्रे सादर केली होती.
ही केवळ प्रशासनाची फसवणूक नसून, लोकांच्या जीवाशी खेळण्याचा हा प्रकार असल्याचे पोलिसांचे म्हणणे आहे. या प्रकरणात आणखी काही व्यक्ती किंवा सरकारी अधिकारी सामील आहेत का, याचा तपास आता पोलीस करत आहेत.
न्यायालयाने दिलेल्या ५ दिवसांच्या कोठडीत पोलीस आता अजय गुप्ता याची कसून चौकशी करणार आहेत. या कालावधीत बनावट प्रमाणपत्रे कोणी तयार केली आणि यासाठी कोणाकोणाची मदत घेण्यात आली, याचे पुरावे गोळा केले जाणार आहेत.
६ डिसेंबर रोजी झालेल्या भीषण आगीत २५ जणांचा बळी गेल्यानंतर या क्लबच्या कारभारातील एकामागून एक धक्कादायक गैरप्रकार समोर येत आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.