suspicious vehicle Panaji Dainik Gomantak
गोवा

संशयास्पद टिंटेड गाडी, नंबरप्लेटही नाही; हवाईहल्ल्यानंतर पणजीत फिरणारा 'तो' मालक सापडला Watch Video

Panaji Tinted Car Viral Video: पणजी शहरात सकाळी-सकाळी एक नंबर प्लेट नसलेली, टिंटेड गाडी फिरताना दिसत होती

Akshata Chhatre

पणजी: खरं तर देशात सामान्य नागरिकांना टिंटेड गाड्या चालवायला परवानगी नाही, तरीही बुधवार (दि.07) रोजी पणजी शहरात सकाळी-सकाळी एक नंबर प्लेट नसलेली, टिंटेड गाडी फिरताना दिसत होती. पहलगाम येथील हल्ल्यानंतर भारताने मध्यरात्री हवाईहल्ला करून पाकिस्तानला चोख प्रतिउत्तर दिलं होतं आणि अशा तणावग्रस्त परिस्थितीत ही गाडी आली तरी कुठून असा प्रश्न निर्माण झाला होता.

दैनिक गोमंतकने केलेल्या चोख कामगिरीमुळे गोवा वाहतूक पोलिसांचं याकडे लक्ष वळलं आणि त्यांनी देखील वेळ न घालवता त्वरित कारवाई केली. समोर आलेल्या माहितीनुसार सध्या टिंटेड ग्लास आणि नंबर प्लेट या नसलेल्या गाडीला ट्रॅफिक पोलिसांनी ताब्यात घेतलीये.

पोलिसांच्या माहितीप्रमाणे पणजीत असलेल्या स्मार्ट सिटीच्या कॅमेराच्या मदतीने गाडी चौगुले शोरूमजवळ सापडली आहे. या गाडीवर कारवाई करत असताना पोलिसांनी टिंटेड ग्लास आणि नंबर प्लेट नसल्याने वाहनाच्या मालकाला दंड ठोठावण्यात आला आहे.

पोलिसांनी दिलेल्या माहितीनुसार ही गाडी रायबंदरहून पणजी शहराच्या दिशेने जात होती. स्मार्ट सिटीच्या कॅमेऱ्यामधून मिळालेल्या माहितीनुसार ही गाडी कला अकादमीपर्यंत ट्रेस झाली मात्र त्यापुढे तिचा पत्ता सापडेना, अशावेळी ही गाडी जवळपासच कुठेतरी असल्याचा अंदाज पोलिसांनी लावला आणि त्याप्रमाणे चौगुले शोरूमजवळ ही गाडी पोलिसांच्या हाती लागलीये.

ही गाडी कोणाची?

पणजी वाहतूक पोलिसांनी दिलेल्या माहितीनुसार ही गाडी सायरास नावाच्या एका महाराष्ट्रीय व्यक्तीची आहे. पोलिसांना या गाडीची एक नंबरप्लेट देखील सापडली आहे आणि ही गाडी केवळ विकण्यासाठी आणली असल्याचं त्यांनी सांगितलंय.

पोलिसांनी सर्व आवश्यक कारवाई आणि तपासणी केलेली आहे आणि या गाडीत धोकादायक असं काहीही आढळलं असल्याने त्यांनी केवळ चलान जारी करून ही गाडी पुन्हा मालकाच्या ताब्यात देण्याचा निर्णय घेतलाय.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

New GST Rate: जीएसटी कॉन्सिलचा मोठा निर्णय! आता फक्त 5 आणि 18 टक्के दोनच कर; काय होणार स्वस्त? वाचा सविस्तर

Goa Politics: 'मग तुम्हीच तो DPR जनतेसमोर आणा!’ मुरगाव बंदरातील कोळसा वाहतुकीवरुन अमित पाटकरांचं सुदिन ढवळीकरांना थेट आव्हान

Viral Video: व्हायरल होण्याचा हव्यास ‘आंटींला' पडला भारी, व्हिडिओ पाहून नेटकरी हैराण, म्हणाले,'हे रिलवाले...'

Mumbai Goa Highway: “एक आडवा न तिडवा खड्डा चंद्रावाणी पडला गं…”; मुंबई-गोवा महामार्गाच्या दुर्दशेवर इन्फ्लुएन्सरने मांडली व्यथा VIDEO

शारदीय नवरात्रीतून मिळतायत 'हे' शुभसंकेत, देवीचे वाहन ठरवणार तुमचं भाग्य; वाचा संपूर्ण माहिती

SCROLL FOR NEXT