ओल्ड गोव्यात प्रसिद्ध असलेल्या सेंट झेवियर्सच्या अवशेषांची DNA चाचणी करावी अशी मागणी हिंदू रक्षा महाआघाडीच्या सुभाष वेलिंगकर यांनी केली होती. येत्या नोव्हेंबर महिन्यात २१ तारखेपासून ते ४ जानेवारी पर्यंत सेंट फ्रान्सिस झेवियर्स यांच्या अवशेषांचे प्रदर्शन होणार आहे.
हे प्रदर्शन होण्याआधी झेवियर्स यांच्या अवशेषांची चाचणी व्हावी अशी मागणी वेलिंगकरांनी केलीये. वेलिंगकरांच्या मागणीमुळे राज्यात अनेक चर्चांना उधाण आलं असतानाच सुभाष वेलिंगकर यांनी आणखीन एक प्रतिक्रिया व्यक्त केली.
सुभाष वेलिंगकर यांच्या मते इतिहासाबद्दल कोणाच्याही मनात प्रश्नचिन्ह उभं राहू नये म्हणून टेक्नॉलॉजीची मदत घेण्यात काही गैर नाही. या संदर्भात दाखला देताना ते सांगतात की ओल्ड गोव्यात जॉर्जियाच्या राणीचे काही अवशेष मिळाले होते. हे अवशेष भारत सरकारकडून जॉर्जियाच्या सरकारला समर्पित करण्यात आले. पुढे जॉर्जिया चर्चच्या संमतीवरून दोन्ही सरकारांनी एकत्र येत या अवशेषांची DNA चाचणी केली, ही चाचणी यशस्वी झाली आणि आज जॉर्जियाच्या राणीला संत म्हणून ओळखलं जातंय.
गोव्यात सेंट फ्रान्सिस झेवियर्स यांच्या अवशेषांवरून अनेकवेळा वाद निर्माण झालेत आणि या वादांना कायमचा पूर्णविराम लागावा म्हणून मी DNA चाचणीची मागणी करतोय असं सुभाष वेलिंगकर यांचं म्हणणं आहे. भारतीय संविधानाच्या अनुसार ऐतिहासिक पुरावे शोधण्याला मान्यता मिळाली आहे त्यामुळे वेलिंकाराच्या मते त्यांना कुठल्याही समुदायाच्या भावना दुखवायच्या नसून केवळ सत्य सर्वांसमोर आणून या वादाला पूर्णविराम लावायचा आहे अशी माहिती त्यांनी व्हिडियोच्या मध्यातून गोव्यातील एका वहिनीला दिली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.