पणजी: मुरगाव येथील एका तरुणीवरील कथित लैंगिक अत्याचार व फसवणूकप्रकरणी फोंड्याचे पोलिस उपनिरीक्षक नारायण पिंगे यांना सेवेतून निलंबित करण्यात आले आहे. त्यासंदर्भाचा आदेश पोलिस महानिरीक्षक ओमवीर सिंग बिष्णोई यांनी आज मंगळवारी काढला आहे.

(Sub-inspector Pinge suspended on allegations of torture)

गेल्यावर्षी त्याच्याविरुद्ध मुरगाव पोलिसांत गुन्हा दाखल झाला होता व त्याची प्राथमिक चौकशी सुरू होती. जून 2021 मध्ये मुरगाव येथील तरुणीने उपनिरीक्षक नारायण पिंगे याच्याविरुद्ध तक्रार दाखल केली होती. विवाहाचे आमिष दाखवून त्याने वारंवार लैंगिक शोषण केले व तिच्याकडून सुमारे 44 लाख रुपये त्याने घेऊन फसवणूक केल्याच्या तक्रारीवरून गुन्हा दाखल आहे.