डिचोली : नवीन शैक्षणिक वर्षाची घंटा वाजण्यास अवघेच तास शिल्लक असल्याने शालेय साहित्य खरेदीला वेग आला आहे. सोमवारपासून शाळा सुरु होणार आहेत.

त्यामुळे वह्या, बॅग, रेनकोट, छत्र्या आदी शालेय साहित्य खरेदी करण्यासाठी विद्यार्थी आणि पालकांची पावले बाजारात वळू लागली आहेत.

आज दिवसभर डिचोली बाजारात शालेय साहित्य खरेदी जोरात सुरू होती. यंदा शालेय साहित्य महाग झाल्याने सामान्य पालकांसमोर प्रश्नचिन्ह निर्माण झाले असले, तरी विद्यार्थ्यांना त्यांना त्यांच्या आवडीच्या वस्तू उपलब्ध करून दिल्याशिवाय पालकांसमोर पर्याय नाही. कोविडमुळे गेली दोन वर्षे शालेय साहित्याची खरेदी मंदावली होती. यंदा मात्र बाजारात गजबज दिसून येत आहे.