कुठ्ठाळी सांकवाळ येथील राष्ट्रीय महा मार्गावर भटक्या गुरांचा वावर वाढल्याने वाहतुकीवर परिणाम जाणवतो. याकडे संबंधितांनी लक्ष देऊन वाहनचालकांना सुरक्षा प्रधान करावी.

भटक्या गुरांचा कळप रस्त्यावर ठाण मांडून असतो. सांकवाळ मंदिरापासून ते सावरफोंडपर्यंतच्या रस्त्यावर अनेक गुरे दिसतात.

या भटक्या गुरांचा बंदोबस्त जोपर्यंत होत नाही तोपर्यंत ती अशीच भटकत राहणार. या गुरांचा प्रश्न अनेक वेळा सांकवाळ ग्रामसभेत उपस्थित झाला. यावर उपाययोजना आखण्याची मागणी केली होती.