कळंगुट: शिवोली परिसरातील मुख्य रस्त्यावर अनेक ठिकाणी भटकी जनावरे ठाण मांडत असल्याने छोटे-मोठे अपघात होणे नित्याचेच बनले आहे. वाहनचालकांना विनाकारण मनस्ताप सहन करावा लागत आहे.

येथील सेंट एन्थॉनी चर्चपासून ते थिएटर जंक्शनपर्यंतचा रस्ता वर्दळीचा असतो. परंतु, आधीच अरुंद आणि दुभाजकाने विभागलेल्या या रस्त्यावर जागोजागी भटकी जनावरे तसेच कुत्र्यांचे कळप फिरत असतात. त्यामुळे वाहनचालकांबरोबरच पादचाऱ्यांनाही जीव मुठीत घेऊन जावे लागते.

स्थानिक पंचायत तसेच आमदार दिलायला लोबो यांनी या गंभीर समस्येकडे लक्ष देऊन या भटक्या गुरांचा बंदोबस्त करावा, अशी जोरदार मागणी होत आहे.