पणजी : गोमंतकीय संगीत सृष्टीमध्ये आपल्या कार्याची छाप सोडणाऱ्या आदरणीय गुरू पंडित बाळकृष्ण केळकर यांचा पहिला स्मृतीदिन पणजीत साजरा केला जाणार आहे. केळकर बुवांच्या स्मृती प्रित्यर्थ "अभिजात सूर" या राज्यस्तरीय नाट्यगीत गायन स्पर्धा आयोजित करण्यात आली आहे.

ही स्पर्धा 29 मे रोजी दुपारी 3 वाजता मिनेझिस ब्रागंझा हॉल पणजी येथे होणार आहे. या कार्यक्रमाला प्रमुख पाहुणे म्हणून मिनेझिस ब्रागांझाचे उपाध्यक्ष गोरख मांद्रेकर, गोमंन्तकचे व्यवस्थापक सचिन पोवार, गोमन्तक टीव्हीचे शैलेंद्र मेहता, तसेच अनिल शेलार उपस्थित राहणार आहेत.

पणजीत आयोजित करण्यात आलेल्या या कार्यक्रमाला पं सुधाकर करंदीकर यांची खास उपस्थिती असेल. राज्यस्तरीय नाट्यगीत गायन स्पर्धेतील विजेत्यांना रोख बक्षिसे, प्रमाणपत्र आणि मानचिन्ह देण्यात येईल. स्पर्धेमध्ये एकूण 18 स्पर्धक अंतिम फेरीत भाग घेणार आहेत. रसिक प्रेक्षकांनी या कार्यक्रमास नक्की उपस्थित राहण्याचं आवाहन आयोजकांकडून करण्यात आलं आहे.