पणजी: धक्क्यांवर तसेच इतर ठिकाणी साठवलेल्या २ दशलक्ष टन खनिजाचा ई- लिलाव पुकारण्याचा निर्णय राज्य मंत्रिमंडळाच्या बैठकीत घेण्यात आला. हा खनिजाचा ३० वा ई-लिलाव असेल, अशी माहिती मुख्यमंत्री डॉ. प्रमोद सावंत यांनी मंत्रिमंडळ बैठकीनंतर घेतलेल्या पत्रकार परिषदेत दिली.
ते म्हणाले की, खनिजाचे ४ साठे आहेत असे गृहित धरून हा लिलाव पुकारण्यात येणार आहे. या खनिजाला टनमागे ८९५ रुपये दर मिळेल, असा अंदाज आहे. राज्यात खनिज वाहतुकीस ऑक्टोबरमध्ये सुरवात होऊ शकेल. नोव्हेंबरमध्ये पूर्ण क्षमतेने खाणकाम सुरू होणार आहे. एका खाणीत याआधीच उत्खनन सुरू झाले आहे. पहिल्या टप्प्यात सरकारने लिलाव केलेल्या खाणपट्ट्यात त्या खाणीचा समावेश होता.
आणखी खाणपटट्यांचा सरकार लिलाव पुकारणार आहे असे सांगून ते म्हणाले, लिलावासाठी छाननी प्रक्रिया सध्या सुरू केली आहे. कुडणे आणि सुर्ला येथील काही खाणी सुरू होण्याच्या मार्गावर आहेत. काहींनी पर्यावरण दाखल्यासाठी अर्ज केले असून लवकरच त्यांना ते मिळतील.
बार्देश, पेडणे तालुक्यांत जमीन विक्रीचे प्रकार वाढल्याने तालुकास्तरीय किमान किमतीत बदल केला आहे. पूर्वी सरकारी दर ३ हजार रुपये प्रतिचौरस मीटर होता, तो वाढवून ८ हजार रुपये प्रतिचौरस मीटर केला आहे. मात्र भूखंडाचा आकार ५०० चौरस मीटरपेक्षा कमी असल्यास पूर्वीचाच दर लागू होणार अाहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.