St. Francis Xavier Relics Exposition: ओल्ड गोव्यातील 'बॅसिलिका ऑफ बॉम जिझस' चर्चमध्ये असणारे जगप्रसिद्ध सेंट फ्रान्सिस झेवियर यांचे अवशेष (St. Francis Xavier Relics Exposition) दर्शनासाठी खुले केले जाणार आहे.

झेवियर यांच्या शवाचे अवशेष दहा वर्षातून एकदा लोकांना दर्शनासाठी खुले केले जातात, त्यामुळे जगभरातील पर्यटकांसाठी ही संधी असणार आहे.

गोव्याचे आर्चबिशप फिलिप नेरी कार्डिनल फेर्राव यांनी याबाबत माहिती दिली आहे. सेंट फ्रान्सिस झेवियर यांच्या अवशेषांचे प्रदर्शन 21 नोव्हेंबर 2024 ते 5 जानेवारी 2025 या कालावधीत होणार आहे.

दर 10 वर्षांनी अवशेष पाहण्यासाठी सर्वांसाठी खुले केले जाते. यापूर्वी 2014-15 मध्ये अवशेष दर्शनासाठी खुले करण्यात आले होते.

‘गोंयचो सायब’ नावाने प्रसिद्ध असलेले सेंट फ्रान्सिस झेवियर यांचे 3 डिसेंबर 1552 रोजी चीनमधील शांगचुआन बेटावर निधन झाले होते.

सेंट फ्रान्सिस झेवियर यांचे अवशेष, जुने गोव्यातील बॅसिलिका ऑफ बॉम जिझस (Basilica of Bom Jesus in Old Goa) येथे चांदीच्या ताबूतमध्ये जतन केले आहेत. दर दहा वर्षांनी या अवशेष सर्वांसाठी खुले केले जातात.