पणजी: सांतइस्तेव्ह येथे कुंभारजुवा कालव्यात कार जाऊन अपघात झालेल्या तरुण अद्याप सापडलेला नाही. पाच दिवसानंतर देखील बशुदेव भंडारी या युवकाचा शोध सुरुच आहे. बशुदेवचे पालक देखील गोव्यात दाखल झाले असून, गेल्या पाच दिवसापासून त्याचा शोध सुरु आहे.
बशुदेव भंडारी हा मूळ गुजरातचा रहिवासी असून, तो त्याच्या मैत्रिणीला भेटण्यासाठी गोव्यात आला होता. रात्रीच्या सुमारास चारचाकीतून बाहेर पडलेल्या त्यांच्या कारचा माशेल येथे अपघात झाला. अपघात झालेल्या कार चालकाने त्यांचा पाठलाग करण्यास सुरुवात केली अन् बशुदेव भरधाव वेगाने कार घेऊन फरार झाला.
पण, पुढे रस्त्याचा अंदाज न आल्याने त्यांची कार सांतइस्तेव्ह येथे कुंभारजुवा कालव्यात गेली. कारमध्ये असलेल्या त्याच्या मैत्रिणीला पोहता येत असल्याने ती सहज किनाऱ्यावर आली पण, बशुदेव मात्र बेपत्ता झाला. तेव्हापासून आज पाच दिवस उलटले तरी त्याचा शोध लागला नसून, त्याचे पालक चिंतेत आहेत.
बशुदेव गुगल मॅपद्वारे मिळेल त्या रस्त्याने गाडी हाकत होता. शिवाय पाठलाग करणारे कार चालक याची भीती देखील त्याच्या मनात होती. दरम्यान, रस्त्याचा अंदाज न आल्याने तो कारच कालव्यात गेला. पोलिस आणि बचाव पथकाचे कर्मचारी बशुदेवचा शोध घेतायेत.
या प्रकरणात पोलिसांकडून सर्व शक्यता खुल्या ठेऊन तपास केला जात आहे. एक सप्टेंबर रोजी मध्यरात्री दीडच्या सुमारास हा अपघात घडला होता.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.