SSC Result 2024 :

काणकोण केंद्रातून दहावीच्या परीक्षेत चाररस्ता येथील श्री मल्लिकार्जुन विद्यालयाच्या अपेक्षा बोळणेकर ९५.३२ टक्के गुण मिळवून प्रथम आली आहे. श्री मल्लिकार्जुन विद्यालयाचा निकाल ९८ टक्के लागला आहे.

पैंगीण येथील श्री श्रद्धानंद विद्यालयाचा निकाल ९६.९८ टक्के लागला आहे. विद्यालयातून मारिया रोमाल्ड अल्फान्सो ही ८९.७७ टक्के गुण घेऊन प्रथम आली आहे. लोलये येथील दामोदर विद्यालयाचा निकाल ९८ टक्के लागला आहे. पणसुले येथील श्री कात्यायनी बाणेश्वर विद्यालयाचा निकाल ९७ टक्के लागला असून अमरजीत हा विद्यार्थी प्रथम आला आहे.

माशे येथील श्री निराकार विद्यालयाचा दहावी परीक्षेचा निकाल शंभर टक्के लागला आहे. या विद्यालयातून ओमप्रकाश संदेश फळदेसाई हा ९४ टक्के गुण मिळवून प्रथम आला आहे. भाटपाल येथील सेंट फ्रान्सिस झेव्हियर शाळेचा निकाल शंभर टक्के लागला आहे.

‘जगा आणि जगू द्या’

काणकोण केंद्रातून दहावीच्या परीक्षेला बसलेल्या ६६० विद्यार्थ्यांमधून ६३० विद्यार्थी उत्तीर्ण झाले आहेत. यापैकी उच्च टक्केवारी घेतलेली मुले उच्च शिक्षणासाठी मडगाव किंवा अन्य शहरांमध्ये जाणार आहेत, तर काही आयटीआय प्रवेश घेणार आहेत. यापैकी १३० विद्यार्थी उच्च शिक्षणासाठी अन्य शहरांत गेल्यास काणकोणात फक्त ४०० विद्यार्थी राहणार आहेत.

काणकोणमध्ये पाच उच्च माध्यमिक विद्यालयात १६ तुकड्या आहेत. त्यामुळे प्रत्येक तुकडीच्या वाट्याला फक्त २५ विद्यार्थी येणार आहेत. त्यामुळे ‘बळी तो कान पिळी’ अशाप्रकारचे धोरण न जपता ‘जगा आणि जगू द्या’ असे धोरण सर्वच शैक्षणिक संस्थांनी राबविणे गरजेचे असल्याचे मत राष्ट्रीय पुरस्कारप्राप्त निवृत्त मुख्याध्यापक उल्हास पै भाटीकर यांनी व्यक्त केले आहे.