दिवाळी ताेंडावर आलेली असताना मोठ्या प्रमाणावर मांडप-नावेली येथील एका गोदामात साठवून ठेवलेली सुमारे तीन लाखांची सुहाना मसाल्याची उत्पादने आज वजन व माप खात्याने घातलेल्या धाडीत जप्त केली. या उत्पादनावर वजनाचा उल्लेख स्पष्टपणे केला नव्हता, अशी माहिती देण्यात आली आहे.
दक्षिण गोव्याचे वजन व माप खात्याचे सहाय्यक नियंत्रक नितीन पुरुशन यांच्या देखरेखीखाली या खात्याचे निरीक्षक भूपेंद्र देसाई, ॲझन रॉड्रीगीस यांनी ही कारवाई केली.
एकूण १२ हजार मसाल्यांचे पॅकेटस् जप्त करण्यात आल्याची माहिती या अधिकार्यांनी दिली. ही अशी कारवाई यापुढेही चालूच राहील अशी माहिती पुरुशन यांनी दिली. वजन व माप खात्याचे मुख्य नियंत्रक अरुण पंचवाडकर यांच्या मार्गदर्शनाखाली ही कारवाई करण्यात आली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.