Accident in Sancoale : सांकवाळ येथे महामार्गावर बुधवारी संध्याकाळई भरधाव कारने रस्ता ओलांडणाऱ्या एका सहा वर्षीय चिमुरड्याला धडक दिली होती. या अपघातातील चिमुरड्याचा दुर्दैवी अंत झाला आहे.

कुंदन ध्यानेश्वर राठोड असे या चिमुरड्याचे नाव असून तो सहा वर्षांचा होता. तो झरी-झुआरीनगर येथील राहात होता.

बुधवारी सायंकाळी साडेचारच्या सुमारास कुंदन हा त्याच्या अन्य लहान मित्रांसोबत बिट्स पिलानी येथील महामार्ग ओलांडत असताना भरधाव कारने त्याला जोरदार धडक दिली.

कपिल बेटगिरी असे या कारचालकाचे नाव आहे. या धडकेत कुंदन गंभीर जखमी झाला होता.

त्याला चिखली येथील उपजिल्हा रूग्णालयात दाखल नेण्यात आले पण डॉक्टरांनी त्याला मृत घोषित केले.