गेले काही दिवस गोव्यात अवैध प्रकार वाढल्याने गोवा पोलिसांकडे नोंदणी न केलेल्या भाडेकरु नागरीकांची चौकशी सुरु आहे. या पार्श्वभुमीवर आज काकोडा, कुडचडे येथे पोलिसांनी 25 जणांवर कारवाई केली. गुन्ह्यांत अडकलेले गुन्हेगार, दहशतवादी, ड्रग्ज माफिया, बांगलादेशी घुसखोर यांच्यावरील कारवाईला वेग येण्यासाठी पडताणी आवश्यक असल्याचं पोलिसांनी म्हटले आहे.

( Special Tenant verification drive at Kokoda Curchorem that 25 tenants out of 150 have not filled the tenant forms )

मिळालेल्या माहितीनुसार आज दक्षिण जिल्ह्यात पोलिसांनी काकोडा, कुडचडे येथे भेट देत स्थानिकांची चौकशी सुरु केली. या चौकशीत पोलिसांनी भाडेकरू पडताळणी फॉर्म न भरता भाडेकरूंना जागा भाड्याने देणाऱ्या मालकांवर कायदेशीर कारवाई केली जाईल असे स्पष्ट करत चौकशी केली.

पोलिसांनी आज तब्बल 150 भाडेकरूंच्या पताळणीमध्ये 25 भाडेकरूंनी भाडेकरू फॉर्म भरलेले नसल्याचे स्पष्ट झाले आहे. ही मोहिम #Know Your Neighbours या उपक्रमांतर्गत राबवली जात आहे.

...म्हणून भाडेकरूंचा पडताळणी अर्ज भरणे आवश्यक

पोलिसांनी दिलेल्या माहितीनुसार गुन्ह्यांत अडकलेले गुन्हेगार, दहशतवादी, ड्रग्ज माफिया, बांगलादेशी घुसखोर गोव्यात बिनधास्तपणे भाड्याच्या खोलीत राहतात आणि भुरट्या चोरट्यांपासून विविध गुन्हे करून पसार होतात. या प्रकाराला आळा घालण्यासाठी संबंधित पोलीस स्थानकात भाडेकरूंचा पडताळणी अर्ज भरणे सरकारने बंधनकारक केले असल्याचं म्हटलं आहे.