गोवा: मॉलीवूड अभिनेता विनायकन हा अचानक गोव्यातील एका दुकानदारासोबत वाद घालताना दिसला. हा अभिनेता नेमका कोणत्या कारणावरून वाद घालत होता हे जरी अस्पष्ट असलं तरी देखील तो व्हिडीओमध्ये मल्याळम भाषेत जोरजोरात ओरडताना दिसतोय.

Thellu Vadakkuदक्षिण चित्रपटांमध्ये विनायकन हे नाव त्याच्या अभिनयासाठी तसेच त्याच्या चित्रपटांव्यतिरिक वादांसाठी बरंच प्रचलित आहे. सोशल मीडियावर सध्या व्हायरल होणाऱ्या या व्हिडीओवर नेटकरी जोरदार कमेंट्सचा वर्षाव करताना दिसतायत.

व्हिडीओमध्ये विनायकनचं वागणं बघून अनेकांना हा त्याचा अभिनय आहे की तो खरोखरच चिडलाय असा प्रश्नच पडलाय. दक्षिणेतील एवढा मोठा नट केवळ बनियानवर हात मागे घेऊन स्थानिक दुकानदारासोबत हुज्जत घालताना दिसतोय.

या व्हायरल व्हिडीओवर लोकं वेगेवेगळे कमेंट्स करतायत. काहींच्या मते तो ड्रग्सच्या नशेत बरळतोय, तर काहींच्या म्हणण्यानुसार त्याच्या मनावर परिणाम झालाय. एक नेटकरी तर थेट त्याला चित्रपटात प्रमुख भूमिका न मिळाल्याने तो बावचळल्याचं म्हणालाय.

विनायकन याचा लवकरच थेल्लू वडाक्कू नावाचा चित्रपट प्रदर्शित होणार आहे. यात तो प्रसिद्ध दक्षिण अभिनेता ममोटी सोबत काम करताना दिसेल.