मडगाव: दक्षिण गोवा जिल्ह्यात यंदा जानेवारी ते ऑगस्ट या आठ महिन्यांत नोंद झालेल्या ६३४ गुन्ह्यांपैकी ५२५ गुन्ह्यांचा पोलिसांनी छडा लावला आहे. गुन्हे उघडकीस आणण्याचे प्रमाण ८२.८१ टक्के आहे.
गंभीर गुन्ह्यांच्या तपासातही पोलिसांना यश मिळाले आहे. खून, खुनाचा प्रयत्न आणि सदोष मनुष्यवधाच्या प्रकरणांत शंभर टक्के तपास पूर्ण करण्यात आला आहे. या कालावधीत खुनाचे सहा गुन्हे नोंद झाले असून सर्व प्रकरणांची उकल करण्यात आली. बलात्काराच्या ३० गुन्ह्यांपैकी २८ प्रकरणांत संशयितांना अटक करण्यात आली, तर अपहरणाच्या ३९ गुन्ह्यांपैकी ३२ प्रकरणांचा तपास करण्यात आला.
दक्षिण गोवा पोलिसांच्या माहितीनुसार, फोंडा पोलिस ठाण्याच्या हद्दीत खुनाचे सर्वाधिक चार गुन्हे नोंद झाले आहेत. दरम्यान, २०२५ मध्ये नोंद झालेल्या सायबर फसवणुकीच्या ६४ गुन्ह्यांपैकी ३६ प्रकरणांत कारवाई करण्यात आली आहे.
गुन्ह्यांचा तपास करताना आधुनिक तंत्रज्ञान, वैज्ञानिक तपास पद्धती आणि विकसित तपास यंत्रणांचा वापर करण्यात येत असल्याने गुन्हे उघडकीस आणण्याचे प्रमाण वाढत असल्याचे पोलिसांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.