Jonty Rhodes In Goa: दक्षिण आफ्रिकेचा माजी अष्टपैलू क्रिकेटपट्टू जॉन्टी रोड्स गोव्याच्या प्रेमात पडला असून, त्याने गोव्याची सैर केल्याचे काही फोटो सोशल मिडियावर शेअर केले आहेत. जॉन्टी गोव्यातील मासे, नारळ आणि निसर्ग सौंदर्याच्या प्रेमात पडला आहे.

गोव्यातील रस्त्यावर विक्रीसाठी ठेवलेल्या नारळांसोबत त्याने सेल्फी घेत तो एक्स सोशल मिडिया हँडलवर शेअर केला आहे. 'उष्णतेपासून आराम मिळत नाही - पण ताजे नारळ माझी तहान भागवतात, परंतु मला थंड करत नाहीत,' असे कॅप्शन त्याने दिले आहे.

बाणावली समुद्रकिनाऱ्यावरुन एकाने माशाचे फोटो शेअर केले, त्यावर जॉन्टीने प्रतिक्रिया देत मी काही दिवसांपूर्वी आगोंद किनाऱ्यावर मसालेदार माशांचा आस्वाद घेतला असे म्हणाला.

आमची मुले किती लवकर जुळवून घेण्यास सक्षम होतात. दक्षिण गोव्यातील रिव्हर हाऊस अकॅडमीतून जॉन्टीने मुलांसोबत एक फोटो शेअर करत वरील कॅप्शन दिले.