गोव्यात गेले काही दिवस सोनाली फोगट खून प्रकरणाने अनेक वळणे घेतली आहेत. आज या प्रकरणात संशयित सुधीर सांगवान व सुखविंदर पाल सिंग या दोघांना 10 दिवसांची पोलीस कोठडी झाली आहे. या पार्श्वभूमीवर भाजप नेत्या सोनाली फोगाट यांना संशयिताने जबरदस्ती पेय पाजतानाचा व्हिडिओ व्हायरल झाला आहे.

(Sonali Phogat being forced to drink Video goes viral)

या व्हिडिओमध्ये फोगट या संशयितासोबत डान्स करताना दिसत आहेत. काही वेळ डान्स केल्यानंतर संशयिताने त्यांना जबरदस्तीने पेय पाजत असल्याचं या व्हिडिओत स्पष्ट दिसते आहे. यानंतर काही वेळातच फोगट यांना मृत्यूला सामोरे जावे लागले होते. त्यामूळे हेच पेय पाजत संशयितांनी त्यांना संपवलं का ? या प्रश्नाचे उत्तर स्पष्ट होत नसले तरी इच्छा नसताना पेय पाजलं गेलं हे मात्र यातून अगदी स्पष्टं होते आहे.

कर्लीस क्लब पोलीसांनी केला सील

मुख्य घडमोडी ज्या ठिकाणी घडल्या त्या कर्लीस क्लबला आता पोलीसांनी ताब्यात घेतले असूत तपासाकरीता याची आवश्यकता असल्याची माहिती पोलीसांनी प्रसार माध्यमांशी बोलताना दिली.

या प्रकरणातील सर्व शक्यता पडताळून पाहात गुन्ह्यात सामिल गुन्हेगारांचा पडदा फाश करण्यात येणार असल्याचं गोवा पोलीसांनी स्पष्ट केले आहे. संबंधित कर्लीस बार मालकाला आता अटक झाल्यामूळे राज्यातील सुव्यवस्थेचा प्रश्न निर्माण झाला आहे. असा आरोप ही राजकिय पक्षांनी केला आहे.