पणजी: राज्‍य विकासाचे उंच झोके घेत असल्‍याची शेकी सरकार मिरवत असते. परंतु गोव्यातील एक महत्त्‍वाचे वारसास्‍थळ अर्थात पणजी येथील जुने सचिवालय अत्‍यंत दुरावस्‍थेत आहे. त्‍याकडे सामाजिक कार्यकर्त्या सिसील रॉड्रिगीज यांनी पोटतिडकीने लक्ष वेधले आहे. त्‍
त्यांनी वस्‍तुस्‍थिती दर्शवणारा तयार केलेला एक व्‍हिडिओ समाजमाध्‍यमांवर चांगलाच व्‍हायरल होत आहे. त्‍यात सिसील यांनी आदिलशहा पॅलेसची अवस्‍था दर्शवत कठोर भाष्‍य केले आहे.
सिसील म्‍हणतात, ही वास्‍तू धोकादायक बनली आहे. तिथे काम करणाऱ्यांना, संगीताचे वर्ग चालवणाऱ्यांना आणि संग्रहालयाला भेट देणाऱ्यांना इजा होऊ शकते. इमारतीचे लाकडी छप्पर जीर्ण झाले आहे. भिंतीवरील रंगाचा थर उखडला आहे. सांस्कृतिकदृष्ट्या समृद्ध स्थळे जीर्णावस्थेत असताना इतर विकास प्रकल्पांसाठी निधीचे तत्परतेने वाटप होत असल्याचे पाहून मन खट्टू होते, असेही त्‍या म्‍हणाल्‍या. सरकारने जुन्या सचिवालयाला गतवैभव प्राप्‍त करुन द्यावे, अशी त्यांनी मागणी केली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.