Goa Corona Update: गोव्यात गेल्या 24 तासात कोरोनाचे 8 नवे रूग्ण आढळून आले आहेत. या आठही जणांना होम आयसोलेशनमध्ये ठेवले आहे. गेल्या चोवीस तासात 3 रूग्ण कोरोनामुक्त झाले आहेत.

सध्या राज्यातील उपचार सुरू असलेल्या सक्रीय कोरोनारूग्णांची संख्या आता 24 वर गेली आहे.

गोव्यात गेल्या 24 तासात 353 चाचण्या झाल्या आहेत. तर कोरोनामुळे एकाही मृत्यूची नोंद झालेली नाही. गोव्यातील सक्रीय कोरोना रूग्णसंख्या म्हणजेच उपचार सुरू असलेल्या कोरोना रूग्णांची संख्या 24 झाली आहे. गोव्याचा कोरोनामुक्ती दर 98.44 टक्के इतका आहे.

गोव्यात आत्तापर्यंत 21 लाख 52 हजार 320 एकुण चाचण्या झाल्या आहेत. एकुण 2 लाख 59 हजार 175 रूग्ण आढळून आले होते, त्यातील 2 लाख 55 हजार 138 जण कोरोनामुक्त झाले आहेत. तर आत्तापर्यंत 4013 कोरोनारूग्णांचा मृत्यू झाला आहे.