Goa Liquor Seized: सुप्रसिद्ध कंपनीच्या बिस्कीटांची वाहतूक करणाऱ्या ट्रकमधून गोवा बनावटीच्या दारूची तस्करी करण्यात येत असल्याचा प्रकार उघडकीस आला आहे. रामनगर येथील पोलिसांनी या ट्रकवर कारवाई करून तब्बल 2500 लीटर गोवा बनावटीची दारू जप्त केली आहे.

या दारू साठ्यासह पोलिसांनी ट्रकही जप्त केला असून हा सर्व मुद्देमाल एकूण 52 लाख 50 हजार रूपयांचा आहे.

दरम्यान, मोले आणि अनमोड चेकनाक्यावरून हा ट्रक पुढे कसा गेला, याबाबत आता प्रश्न निर्माण झाले आहेत. या तपास नाक्यांवर हा ट्रक तपासला गेला की नाही? की यामागे काही अधिकारी-कर्मचारी अशी सरकारी यंत्रणा आहे? असे प्रश्न नागरिकांमधून उपस्थित होत आहेत.