पणजी शहरातील धुळीच्या प्रदूषणावरून मुंबई उच्च न्यायालयाच्या खंडपीठाने राज्य सरकारला फटकारले होते. त्यानुसार राज्य सरकारने सूचविल्यानुसार इमॅजिन पणजी स्मार्ट सिटी डेव्हलपमेंट लिमिटेडने (आयपीएससीडीएल) त्या उपाययोजनांची अंमलबजावणी सुरू केली आहे.
पाणी शिंपडण्याव्यतिरिक्त सोमवार, ता. १ एप्रिलपासून धूळ नियंत्रणासाठी रस्ते साफ करण्याचे काम हाती घेणार असल्याचे आयपीएससीडीएलने कळविले आहे.
शहरातील धुळीच्या प्रदूषणावरून दोन स्वतंत्र जनहित याचिका मुंबई उच्च न्यायालयाच्या खंडपीठात दाखल झाल्या होत्या. खंडपीठाने या याचिकांची दखल घेत २७ मार्च रोजी गोवा राज्य प्रदूषण नियंत्रण मंडळाला स्मार्ट सिटीच्या कामांची पाहणी करून धूळ प्रदूषणाची माहिती देण्यास सांगितले. त्याशिवाय उच्च न्यायालयाच्या न्यायाधीशांनी १ एप्रिल रोजी स्मार्ट सिटीच्या कामांची पाहणी करू, असे स्पष्ट बजावले आहे.
आयपीएससीडीएलने दिलेल्या माहिती पत्रकात म्हटले आहे की, अलीकडे पणजीतील रहिवाशांना स्मार्ट सिटी प्रकल्पांमुळे उद्भवणाऱ्या धुळीच्या प्रदूषणासंदर्भातील चिंता दूर करण्यासाठी कायदेशीर मार्गाचा अवलंब केला आहे.
धुळीच्या प्रदूषणाला सामोरे जाण्यासाठी आयपीएससीडीएल आणि मेसर्स बागकिया, मेसर्स एमव्हीआर आणि मेसर्स बन्सल यासारख्या कंत्राटी एजन्सींना विविध उपायांची अंमलबजावणी करण्याचे स्पष्ट बजावलेले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.