Margao Businessman Kidnapping Case
मडगाव: मडगावातील साेन्‍याचे व्‍यापारी कुणाल रायकर याच्‍या अपहरणाचा प्रयत्‍न केल्‍याच्‍या प्रकरणाच्‍या तपासाला मडगाव पोलिसांनी वेग आला असून या प्रकरणात पोलिसांनी एका संशयिताचे रेखाचित्र (स्‍केच) तसेच ‘ओमनी’ कारचे छायाचित्र जारी केले आहे.
या प्रकरणात मडगाव पोलिसांनी एकाची कसून चाैकशी केल्‍याची माहिती प्राप्‍त झाली असून आणखी एक संशयित पोलिसांच्‍या रडारवर आहे. दरम्‍यान, दुसऱ्या एका प्रकरणात मायणा-कुडतरी पोलिसांनी नीलेश वेर्णेकर याच्‍याकडून एक बंदूक जप्त केली आहे.
सुमारे २० दिवसांपूर्वी आके येथे दिवसाढवळ्या हा अपहरणाच प्रयत्‍न झाला होता. मात्र, कुणाल रायकर याने अपहरण करणाऱ्याशी झटापट केल्‍याने हा अपहरणाचा प्रयत्‍न फसला हाेता. याच प्रकरणात आता मडगाव पोलिसांनी एका अज्ञाताच्‍या विरोधात लुकआऊट नोटीस काल जारी केली. या नोटिशीबरोबर संशयिताचे स्‍केच जोडलेले असून दुसऱ्या एका लुकआऊट नोटिसीत रस्‍त्‍यावरुन जाणाऱ्या पांढऱ्या रंगाच्‍या मारुती ओमनी गाडीचा फोटो प्रसिद्ध केला आहे. या ओमनीचा नंबरही त्‍यात दिसतो.लाेकांनी माहिती द्यावी, असे आवाहन पोलिसांनी केले आहे.
दरम्‍यान, आणखी एका वेगळ्‍या प्रकरणात मायणा-कुडतरी पोलिसांनी नीलेश वेर्णेकर या संशयिताकडून एक पिस्‍तूल जप्त केले आहे. वेर्णेकर याच्‍या विरोधात यापूर्वी एकावर गोळीबार केल्‍याचा आरोप करण्‍यात आला होता. या प्रक़रणी त्‍याच्‍या विरोधात गुन्‍हाही नाेंद झालेला आहे. सदर संशयिताच्‍या पत्‍नीकडे बंदूक असल्‍याची माहिती मिळताच काल ती जप्त करण्‍यात आली, अशी माहिती पोलिसांनी दिली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.