राज्यातील जमीन हडप प्रकरणीत एसआयटीमार्फत सुरू असलेल्या प्रकरणात आज पोलिसांनी तीन मास्टरमाईंड ताब्यात घेतले आहेत. रॉयसन रॉड्रिग्ज, राजकुमार मेहती व सेड्रिंक फर्नाडिस असे अटक करण्यात आलेल्या आरोपींची नावे आहेत. आरोपी रॉयसन रॉड्रिग्ज हा दुसऱ्या देशात पलायन करण्याच्या तयारीत होता त्यावेळी त्याला मुंबई विमानतळावरून अटक करण्यात आली.

पोलिस महानिरीक्षक ओमबीर सिंग यांनी याबाबत पत्रकार परिषद घेऊन माहिती दिली. सिंग म्हणाले आम्ही कोणत्याही आरोपीला मोकळे सोडणार नाही, केसची सखोल चौकशी सुरू आहे. मुख्यमंत्र्यांनी एसआयटीला फ्रि हॅन्ड दिला असून आमच्यावर कोणताही दबाव नसल्याचे सिंग यांनी नमूद केले.

अनेक राजकारणी देखील सहभागी

राज्यातील जमीन हडप प्रकरणात अनेक राजकारणी देखील सहभागी आहेत. या राजकारणी लोकांची नावे त्यांना अटक होत नाही तोवर जाहीर करणार नाही असा. खळबळजनक खुलासा पोलिस महानिरीक्षक ओमबीर सिंग यांनी केला.