'Sill Soul Cafe and Bar' प्रकरणात काँग्रेसचे माजी प्रदेशाध्यक्ष गिरीश चोडणकर यांनी आक्रमक पवित्रा घेतला असून स्मृती इराणी यांच्याच कुटुंबाच्या मालकीच्या कंपनीला या बारचा परवाना देण्यात आला आहे. मात्र त्यांनी आपला संबंध नाकारल्याने त्या खोटं बोलल्या आहेत. त्यांनी देशाची माफी मागावी असे चोडणकर म्हणाले.

(Sill Soul Cafe and Bar case Smriti Irani should apologize said Girish Chodankar)

कागदपत्रांच्या आधारे मिळालेल्या माहितीनुसार Sill Soul प्रकरणात इराणी यांनी खरी माहिती लपवण्याचा प्रयत्न केला असल्याचं ही चोडणकर म्हणाले. मात्र आरटीआय कागदपत्रांनी आता हे सिद्ध केले आहे की, त्या सरळ सरळ खोटे बोलतायेत हे आता सार्वजनिक ही झाले आहे. त्यामूळे बेकायदेशीर कृत्ये निर्दोषपणाचा खोटा दावा, आरटीआयच्या सत्यापासून सुटू शकत नाहीत असे ही ते म्हणाले.

त्यांचे हे कारणामे पाहून पंतप्रधान मोदी त्यांना पदावरुन काढतील

इराणी यांच्याबद्दल बोलताना चोडणकर म्हणाले की, त्यांचे हे कारणामे पाहून पंतप्रधान मोदी यांनी स्मृती इराणी यांना केंद्रीय मंत्री पदावरुन न ठेवता काढावे अशी मी त्यांना विनंती करतो. पंतप्रधान नरेंद्र मोदी ही याबाबत विचार करतील आणि त्यांना पदावरुन काढतील मला ठाम विश्वास आहे. असं ही ते यावेळी म्हणाले.