डिचोली: ‘सिग्नल यंत्रणा’ बंद असल्यामुळे शहरातील छत्रपती शिवाजी महाराज सर्कलजवळ सध्या वाहतुकीचा गोंधळ उडत आहे. गेल्या पंधराहून अधिक दिवसांपासून ही ‘सिग्नल यंत्रणा’ नादुरुस्त आहे.

वाहतुकीवर तसेच अपघातांवर नियंत्रण येण्यासाठी तीन वर्षांपूर्वी येथील छत्रपती शिवाजी महाराज सर्कलजवळ सिग्नल यंत्रणा बसविण्यात आली आहे. सिग्नल यंत्रणेची व्यवस्था करण्यात आल्याने सर्कलजवळील वाहतुकीवर नियंत्रण येण्यास मदत होते.

मात्र, ही सिग्नल यंत्रणा बंद असल्याने सध्या मोठी समस्या निर्माण होत आहे.सिग्नल यंत्रणा बंद असल्यामुळे सध्या छत्रपती शिवाजी महाराज सर्कलजवळ वाहतुकीवर नियंत्रण राहिलेले नाही.