धारगळ येथील श्याम आत्माराम धारगळकर (Shyam Dhargalkar) यांनी पेडणे मतदारसंघातून भाजपाच्या उमेदवारीवर दावा केला आहे. त्यांचे म्हणणे आहे, की मी भाजपाचा 1994 पासून सक्रीय कार्यकर्ता आहे. मनोहर पर्रीकर (Manohar Parrikar) यांच्या लोकसभेच्या उमेदवारीवेळी मी त्यांचा कार्यकर्ता होतो. धारगळ मतदारसंघात आपले बंधू स्व. बाळकृष्ण धारगळकर भाजपाच्या (BJP) तिकीटावर उभे राहिले होते तेव्हा आपण त्यांना निवडून आणण्यासाठी कष्ट घेतले होते व ते अवघ्या मतांनी पराभूत झाले होते.

2012 ते 2017 या काळात मी मागासवर्गीय व इतर मागासवर्गीय मंडळाचा संचालक होतो. भाजपा मागासवर्गीय मोर्चाचे अध्यक्षपदही त्यांनी भूषविले होते. श्रीपाद नाईक यांच्यासाठी मी लोकसभा निवडणुकीत काम केले आहे आणि मुख्यतः मी स्थानिक उमेदवार असल्याने मला भाजपाने उमेवारी द्यावी, अशी मागणीही त्यांनी केली आहे.

मनोहर (बाबू) आजगावकर (Manohar Ajgaonkar) यांनी पेडणे मतदारसंघासाठी विशेष काही केले नाही. फक्त आपला स्वार्थ साधला. अवघ्या मर्जीतील कार्यकर्त्यांकडेच ते लक्ष देतात. निवडून आल्यावर त्यांना भाजपात मंत्रिपद मिळाले नाही, तर ते दुसऱ्या पक्षात उडी मारायला पुढे असतील, असा आरोपही श्याम धारगळकर यांनी केला.