बोरी: महिलांनी गोव्याची अस्मिता व संस्कृती टिकविण्यासाठी मराठी राजभाषा आंदोलनात सहभागी व्हावे. कायदेशीर मार्गाने आंदोलन सुरू केले आहे, ४० वर्षापूर्वी पेटविलेल्या ज्योतीला आपण येत्या दोन वर्षात प्रखर करून सरकाराला जागे करू, असे प्रा. सुभाष वेलिंगकर यांनी शिरोडा येथे स्पष्ट केले.
शिरोडा येथील श्री रवळनाथ मंदिराच्या सभागृहात मंगळवारी मराठी राजभाषा निर्धार मेळाव्यात ग्राम समितीची निवड करुन सर्व नारी शक्ती व युवायुवतींना बरोबर घेऊन मराठी भाषेला राजभाषेचा मुकुट चढविणार, असे वेलिंगकर म्हणाले.
गोविंद देव म्हणाले, म्हापसा येथे पार पडलेल्या भाजपाच्या राज्य अधिवेशनात माजी संरक्षण मंत्री मनोहर पर्रीकर व केंद्रीय मंत्री श्रीपाद नाईक यांनी घेतलेल्या ठरावात मराठी भाषेला राजभाषेचा दर्जा लवकरात लवकर द्यावा. यावेळी श्रावणी नाईक यांनी पोवाडा गाऊन मराठीप्रेमीमध्ये उत्साह निर्माण केली.
वंदना पाटील यांनी उपस्थित वक्त्यांची ओळख करून दिली. मराठीचा उगम गोव्यात झाल्याचा दावा गो. रा. ढवळीकर यांनी केला आणि मराठी भाषेला राजभाषेचा दर्जा मिळालाच पाहिजे, असे ते म्हणाले. यावेळी सुभाष वेलिंगकर यांनी उपस्थित मराठीप्रेमींना प्रतिज्ञा दिली. आभार रुपेश नाईक यांनी केले. पसायदानाने निर्धार मेळाव्याची समाप्ती केली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.