कुळे, खैरीमळ, बिंबल-शिगाव येथील शेतकरी शशिकांत विष्णू वेळीप यांच्या बागायतीत असलेल्या सुपारीच्या झाडांची गव्यांनी नासधुस केली आहे.

२० ते २५ सुपारीची झाडे आडवी केली आहेत. त्यामुळे मोठा आर्थिक फटका बसलेला असल्याचे वेळीप यांनी सांगितले.

गव्यांचा कळप रात्री तसेच दिवसाही बागायतीत शिरतो व नुकसान करतो. कर्ज काढून आपण बागायत उभी केली आहे. परंतु रानटी जनावरांमुळे मोठे नुकसान होत आहे.

वन खाते रानटी जनावरांना आवरण्यासाठी कोणत्याही उपाय योजत नाही, त्यामुळे शेतकऱ्यांना शेती करणे जड जाऊ लागले आहे. या संदर्भात आपण अनेकदा वन खात्याकडे तक्रारी केल्या परंतु आजवर एकाही अधिकाऱ्यांनी येऊन पाहणी केलेली नाही. सरकारने योग्य नुकसान भरपाई द्यावी, अशी मागणी वेळीप  यांनी केली.