गोवा: राज्यात गुन्हेगारी यांच्या संख्येत वाढ होताना दिसून येत आहे. मागील काही दिवसात राज्यात तब्बल चार संशयित मृत्यू झाल्याचे समोर आले असुन, काही दिवसांपूर्वीच गौरी आचारी हिचा एक तर्फी प्रेमातून खून करण्यात आल्याची धक्कादायक माहिती समोर आली. काल एक बलात्काराची घटना समोर आली आहे.

(Sexual abuse of a minor girl at Panaji)

काल दिनांक 27 रोजी आरोपी सुजन तालुकदार व सुनील तालुकदार यांनी एका अल्पवयीन मुलीला खरेदीच्या बहाण्याने विशाल मेगा मार्ट पणजी येथील एका खोलीत नेले व तिचे बळजबरीने कपडे काढले, दरम्यान संबंधित मुलीने आरडाओरडा केला असता तिला मारहाण करण्यात आली दरम्यान, तिचे तोंड दाबून तिच्यावर लैंगिक अत्याचार केला व पुढे तिला याची कुठे वाच्यता केल्यास जीवे मारण्याची धमकी दिली. या घटनेचा खुलासा पीडित मुलीने कोणालाही केला नाही, दरम्यान अनुप घोष व जबा बैश्य यांनी ही घटना समोर आणली व आरोपी सुजन आणि सुनील यांना पणजी पोलिसांनी अटक केली तसेच त्यांच्यावर POCSO कायद्याअंतर्गत गुन्हा क्रमांक- 113/2022 अन्वये 376, 342, 323, 506(1) IPC, आणि कलम नुसार गुन्हा दाखल करण्यात आला, पुढील तपास पीएसआय सपना गावस यांच्याकडे आहे.