Sewage problem in Margao  Dainik Gomantak 
गोवा

Margao: मडगावातील सांडपाणी समस्या ‘जैसे थे’!

दुर्गंधी कायम : उच्च न्यायालयाने दिलेली मुदत संपूनही तोडगा नाही

गोमन्तक डिजिटल टीम

मडगाव : व्यापारी राजधानी मडगावातील गटारांतून नाल्यात व शेती तसेच खुल्या जागेत वाहणा-या सांडपाणी व मलमुत्र समस्येवर तोडगा शोधण्यासाठी उच्च न्यायालयाने मडगाव नगलपालिका व संबंधित सरकारी यंत्रणांना दिलेली चार आठवड्यांची मुदत संपली पण अजूनही समस्या ‘जैसे थे’ असल्याचे दिसून येत आहे. दरम्यान, शहराच्या अनेक भागात व प्रामुख्याने कोंब परिसरात मलनिस्सारणाच्या फुटलेल्या चेंबरमधून दूषित तसेच पावसाचे पाणी मोठ्या प्रमाणात बाहेर उसळी घेत होते, अशा समस्या अजून तशाच आहेत.

विशेषतः यंदांच्या मुसळधार पावसामुळे ही समस्या अधिक तीव्रतेने दिसून आली. मलनिस्सारण जोडणी न घेतलेल्या व ज्यांच्या सेप्टिक टाक्या भरून वाहतात, अशा सुमारे शंभरावर निवासी व व्यापारी संकुलांना नगरपालिकेने नोटिसा बजावल्या असून प्रत्येकी पाच हजार रु. दंडही ठोठावला आहे. त्यातील अनेकांनी पालिका मुख्याधिकारी रोहित कदम यांची भेट घेऊन आपली कैफियत मांडली आहे.

दरम्यान मलनिस्सारणाच्या चेंबरातील अडथळे दूर करण्यासाठी स्वयंचलित रोबोट मडगावात आणला गेला आहे. तेल व वायुआयोगाने तो खात्याला दिला आहे.

रहिवाशांच्या म्हणण्याप्रमाणे ते जोडणी घेण्यास तयार आहेत, पण त्यांच्या घरालगत वाहिनी गेलेली नाही. त्यांची काहीच चूक नसताना हा दंड का असा सवाल ते करत आहेत. अन्य काहींच्या म्हणण्याप्रमाणे पावसाळ्यात जोडण्या देण्याचे काम बंद आहे. ते नोव्हेंबर मध्ये सुरू होईल, तोपर्यत प्रतीक्षा करण्याखेरीज पर्याय नाही.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

सा जुझे दी आरियाल पुन्हा चर्चेत; पंचायत समोरील संत जोसेफ यांच्या पुतळ्याची विटंबना करुन चोरी

'पाठीत खंजीर खुपसला पण काँग्रेससोबत एकत्र लढण्यास तयार'; आप नेते पालेकरांचे काँग्रेस नेत्यांना चर्चेचे आवाहन

India vs Pakistan: पाकड्यांचा पराभव अटळ! हेड-टू-हेड आकडेवारीत टीम इंडियाचा वरचष्मा, सूर्याची 'ब्लू आर्मी' करणार कमाल

Sanquelim Market Robbery: फसवणुकीचा नवा फंडा! साखळीत वृद्ध भाजीविक्रेत्या महिलेला दिवसाढवळ्या लुबाडले, लंपास केली सोन्याची पाटली आणि साखळी

Sonam Wangchuck Arrested: लेह हिंसाचारानंतर सामाजिक कार्यकर्ते सोनम वांगचुक यांना 'NSA' अंतर्गत अटक

SCROLL FOR NEXT