Sized Leopard Skins : बिबट्याच्या कातडीच्या तस्करीप्रकरणी केंद्रीय महसूल गुप्तचर संचालनालच्या (डीआरआय) गोवा व मुंबई विभागाने संयुक्तपणे केलेल्या कारवाईत जम्मू - काश्‍मिरामधील श्रीनगर येथून 8 जणांना अटक केली. त्यात एका जम्मू काश्‍मीर पोलिस हवालदाराचा समावेश आहे.

अटक केलेल्या टोळीकडून 4 बिबट्यांची कातडी जप्त केली आहे. जप्त कातडीची किंमत सुमारे दोन कोटी रुपये आहे.

प्राप्त माहितीच्या आधारे महसूल गुप्तचर संचालनालयाने आखलेल्या योजनेनुसार मुंबई व गोवा विभागाच्या अधिकाऱ्यांनी सापळा रचून श्रीनगर येथे बिबट्याची कातडी घेऊन फिरणाऱ्या एकाला ताब्यात घेतले.

पुन्हा बोगस खरेदीदार बनवून टोळीतील इतरांनाही पकडले. याप्रकरणी एका हवालदारासह एकूण 8 जणांना ताब्यात घेतले. जप्त कातडी लडाख, डोडा, उरीतील शिकारीतील असल्याचे पुढे आले आहे.