Goa Government Janata Darbar: गोव्यात राज्य सरकारतर्फे झालेल्या पहिल्या जनता दरबारला मोठा प्रतिसाद मिळाला होता. या यशानंतर आता दुसऱ्या जनता दरबारच्या तारखा समोर आल्या आहेत. 14 ऑगस्ट रोजी दुसरा जनता दरबार भरविण्यात येणार आहे.

मंत्री विश्वजीत राणे आणि मंत्री माविन गुदिन्हो या जनता दरबारमध्ये लोकांचे प्रश्न, शंका ऐकून घेणार आहेत. पैकी विश्वजीत राणे हे मडगाव येथे असणार आहेत. तिथे ते लोकांची म्हणणे, प्रश्न, समस्या ऐकून घेतील. तर माविन गुदिन्हो हे म्हापसा येथे असणार आहे.

दोघेही मंत्री या जनता दरबारमध्ये लोकांना अधिकाधिक चांगली सेवा देत त्यांचे प्रश्न सोडविण्यासाठी प्रयत्न करणार आहेत. सर्व सरकारी विभागांनाही ही माहिती दिली गेली आहे.

यापुर्वी ३ जुलै रोजी म्हापश्यातील बोडगेश्वर मंदिर सभागृहात जनता दरबार आयोजित करण्यात आला होता. उत्तर गोवा जिल्हाधिकारी कार्यालयाने याचे आयोजन केले होते. यात सार्वजनिक बांधकाम मंत्री निलेश काब्राल यांनी लोकांची गाऱ्हाणी ऐकली होती. त्यांच्या तक्रारींचे निरसन केले होते.