Mopa International Airport: मोपा येथील मनोहर आंतरराष्ट्रीय विमानतळाची व्याप्ती वाढवत ‘इंडिगो’ विमान कंपनीने या महिनाअखेर 26 मार्चपासून आणखी सहा नव्या शहरांमध्‍ये विमान वाहतूक सुरू करत असल्याचे जाहीर केले आहे.

भुवनेश्वर, रांची, राजकोट, वाराणसी, विशाखापट्टणम, आणि कोईंबतूर ही शहरे गोव्याशी जोडली जात आहेत.

मोपा-भुनेश्वर, मोपा-रांची 26 व 29 मार्च, मोपा-राजकोट, मोपा-वाराणसी आणि मोपा विशाखापट्टणम 28 मार्च तर मोपा-कोईंबतूर ही सेवा 26 आणि 29 मार्चला सुरू असेल. ही शहरे सरळ विमानसेवेने जोडली जाणार असल्याने त्‍याचा फायदा प्रामुख्याने पर्यटनाला होणार आहे.

आंतरराष्ट्रीय सेवा कधी? :

मोपा येथील मनोहर आंतरराष्ट्रीय विमानतळावरून मार्चअखेर आंतरराष्ट्रीय सेवा सुरू होईल अशी शक्यता व्यक्त करण्यात आली होती. मात्र यासंबंधी परराष्ट्र व्यवहार मंत्रालय आणि नागरी विमान वाहतूक मंत्रालयाच्‍या साधनसुविधा अद्यापही सुरू झालेल्या नाहीत.

त्यामुळे या विमानतळावरून आंतरराष्ट्रीय सेवा कधी सुरू होणार याबाबत अद्यापही स्पष्टता नाही.