Hijab Row Dabolim Goa: दाबोळी येथील एका उच्च माध्यमिक शाळेतून धक्कादायक प्रकार समोर आला आहे. शालेय विद्यार्थ्यांना इस्लामिक कार्यशाळेला घेऊन जात तिथे मुलींना हिजाब घालण्यास भाग पाडल्याचा आरोप करण्यात आला आहे. याप्रकरणी संबधित शाळेच्या प्राचार्यांना निलंबित करण्यात आले आहे.

शंकर गावकर असे उच्च माध्यमिक विद्यालयाच्या निलंबित केलेल्या प्राचार्यांचे नाव आहे.

मिळालेल्या माहितीनुसार, इस्लामिक विद्यार्थी संघटनेच्या वतीने एक कार्यशाळा आयोजित करण्यात आली होती. या कार्यशाळेसाठी दाबोळीतील एका शाळेच्या विद्यार्थ्यांना मशिदीत घेऊन जाण्यात आले. धक्कादायक बाब म्हणजे तिथे शालेय मुलींना हिजाब घालण्यास भाग पाडले. असा आरोप करण्यात येत आहे.

कार्यशाळेबाबत शिक्षण खात्याकडून कोणत्याही प्रकारची परिपत्रक प्रसिद्ध करण्यात आले नव्हते अशी माहिती आहे.

दरम्यान, याप्रकरणी विश्व हिंदू परिषदेने आक्षेप घेतल्यानंतर शाळेच्या प्राचार्यांना निलंबित करण्यात आले आहे.

विश्व हिंदू परिषदेने या प्रकाराला स्कूल जिहाद अशी उपमा दिली आहे. तसेच, कार्यशाळा आयोजित केलेल्या विद्यार्थी संघटनेचा वादग्रस्त पीएफआय संघटनेशी संबध असल्याचा दावा देखील परिषदेने केला आहे.