सासष्टी : मडगाव शहरातील कोलवा सर्कल ते दक्षिण गोवा जिल्हा इस्पितळपर्यंतच्या रस्त्यावर सिवेज पाईपलाईन टाकण्याचे काम सुरू आहे. त्यामुळे वाहतुकीला अडथळा होत आहे. मात्र, एप्रिल अखेरपर्यंत हे काम पूर्ण होण्याची शक्यता व्यक्त करण्यात येत आहे.

काम पूर्ण झाल्यावर ही वाहिनी सिवेजच्या मुख्य पाईपलाईनला जोडली जाईल. त्यामुळे शेतांमध्ये किंवा रस्त्याच्या बाजुला झिरपणारे सांडपाणी बंद होईल. एका वर्षापूर्वी सिवरेज ॲण्ड इन्फ्रास्ट्रक्चर विकास कॉर्पोरेशन लिमिटेडने हे दोन किलोमीटर अंतराचे काम सुरू केले होते.

गटारामध्ये उतरण्यासाठीची केवळ दोन मोठ्या भगदाडाचे काम पूर्ण होणे बाकी आहे, असे सार्वजनिक बांधकाम खात्याचे अभियंते स्वप्निल देसाई यांनी सांगितले. या दोन किमी अंतरावर एकूण २० भगदाडे आहेत, त्यातील १५ चे काम पूर्ण झाले आहे. उर्वरित कामे प्रगतीपथावर आहेत.

तक्रारींना पूर्णविराम

या रस्त्यावरील वाहतुकीमुळे कामाला अडथळा जाणवतो व त्यासाठी काम वेळेत पूर्ण करायला मिळत नाही, अभियंते स्वप्निल देसाई यांनी म्हणाले. केवळ जिल्हा इस्पितळाजवळील भगदाडाचे काम बाकी आहे असे त्याने सांगितले. या भागामध्ये सिवेजलाईन नसल्यामुळे सांडपाणी शेतामध्ये जात असत. त्यामुळे अनेक तक्रारी येत असत. हे काम पूर्ण झाल्यावर त्याला पुर्णविराम मिळणार आहे.