ऐन निवडणुकीच्या तोंडावर तीन महिने असताना पत्रकार म्हणून जन्मणारेही काही महाभाग आहेत. त्यांच्यावर मीडिया आस्थापनांनी थेट बंदी घालण्याची गरज आहे. अशा तयार होणाऱ्या ‘नवीन’ पत्रकारांमुळे खऱ्या, प्रामाणिक पत्रकारांवर अन्याय होतो, असे प्रतिपादन मुख्यमंत्री डॉ. प्रमोद सावंत यांनी साखळी येथे केले.

राज्याच्‍या ग्रामीण भागात गेल्या अनेक वर्षांपासून काम करणाऱ्या पत्रकारांनी स्थापन करण्यात आलेल्या अखिल गोवा ग्रामीण पत्रकारसंघाचे उद्‌घाटन केल्‍यानंतर मुख्यमंत्री बोलत होते. यावेळी वनविकास महामंडळाच्या अध्यक्ष तथा आमदार डॉ. दिव्‍या राणे, आमदार डॉ. चंद्रकांत शेट्ये, प्रेमेंद्र शेट, नगराध्यक्षा रश्मी देसाई व मान्‍यवर उपस्‍थित होते.

ज्‍येष्‍ठ पत्रकारांचा सत्‍कार

यावेळी अजित पैंगीणकर, संतोष गावकर (काणकोण), प्रेमानंद भेंडे, सुनील फातर्पेकर, (केपे), अनुराधा मोघे (सासष्‍टी), दिलीप देसाई (डिचोली), मोहन वेरेकर (फोंडा), नारायण राठवड (बार्देश), आनंद मंगेश नाईक (सांगे), प्रकाश तळवणेकर (पेडणे), दयानंद राणे (मुरगाव), उमेश बाणास्तरकर (तिसवाडी) यांचा सत्कार करण्यात आला.