सहा वर्षीय मुलीवर लैंगिक अत्याचार केल्याप्रकरणी रशियन नागरिकविरोधात गुन्हा नोंद करण्यात आला आहे. हरमल येथे आयोजित करण्यात आलेल्या नाईट कँपमध्ये हे कृत्य केल्याचा रशियन नागरिकावर आरोप करण्यात आला आहे. पणजी महिला पोलिस स्थानकात याप्रकरणी गुन्हा नोंदवला आहे.
मिळालेल्या माहितीनुसार, पणजी महिला पोलिसांनी लिया वासुलेव या रशियन नागरिकाविरोधात गुन्हा नोंद केला आहे. संशयित आरोपीने हरमल समुद्रकिनारी नाईट कँप आयोजित केला होता. यावेळी त्याने सहा वर्षीय मुलीवर लैंगिक अत्याचार केल्याचे तक्रारीत म्हटले आहे.
पोलिस सध्या संशयित आरोपीचा शोध घेत आहेत.
अल्पवयीन मुलीवर लैंगिक अत्याचार प्रकरणी एकाला अटक
दुसऱ्या एका घटनेत अल्पवयीन मुलीवर वारंवार लैंगिक अत्याचार करून तिला गर्भवती केलेल्या रामनगर (कर्नाटक) येथील स्नेहल निक्कम याला महिला पोलिस पथकाने अटक केली.
न्यायालयाने त्याला आठ दिवसांची पोलिस कोठडी सुनावली आहे. ही तक्रार अगोदर पेडणे पोलिसांकडे दाखल करण्यात आली होती व त्यानंतर ती महिला पोलिस स्थानकाकडे वर्ग करण्यात आली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.