Mapusa News: म्हापसा येथील परदेशी नागरिकांसाठीच्या डिटेन्शन सेंटरमधून एक रशियन नागरिक फरार झाल्याचे समोर आले आहे. दमित्री अलेक्झांड्रोव्ह असे या नागरिकाचे नाव आहे. त्याचा शोध घेतला जात आहे.

म्हापसा डिटेन्शन सेंटर येथील पोलिस उपनिरीक्षक मार्विन डेसा यांनी याबाबतची तक्रार दाखल केली आहे. त्यानुसार या रशियन नागरिकाविरोधात फॉरेनर्स अॅक्ट अंतर्गत गुन्हा दाखल करण्यात आला आहे. 1 मार्च रोजी दुपारी 4 ते साडे सहा या काळात ही घटना घडली आहे.

9 फेब्रुवारी रोजी दमित्री याला या डिटेन्शन सेंटरमध्ये दाखल केले होते. या डिटेन्शन सेंटरच्या छताचे लोखंडी खांब कापून दमित्री हा पळून गेल्याचा संशय व्यक्त केला जात आहे. या घटनेनंतर डिटेन्शन सेंटरच्या सुरक्षा व्यवस्थेवरही प्रश्न उपस्थित केले जात आहेत.

जे परदेशी नागरीक व्हिसाशिवाय प्रवास करतात किंवा अवैध व्हिसावर प्रवास करणारे किंवा व्हिसाची मुदत संपुनही राहणारे जे परदेशी नागरिक असतात, अशांना येथे ठेवले जाते.

(सविस्तर वृत्त देत आहोत)