फातोर्डा: सत्ताधारी पक्षाचे आमदार असलेले उल्हास तुयेकर यांच्या नावेली मतदारसंघातील रुमडामळ-दवर्ली पंचायत क्षेत्रात अनेक ठिकाणी उघड्यावर कचऱ्याच्या राशी साचल्या असून त्यामुळे येथील परिसर गलिच्छ दिसून येत आहे.
या कचऱ्यात प्लास्टिकच्या पिशव्या, प्लास्टिकच्या बाटल्या, थर्माकोल व इतर घातक कचऱ्याचा समावेश आहे. हा कचरा येथे उघड्यावर टाकण्यात येत असल्याने रोगराई पसरण्याची भीती स्थानिकांनी व्यक्त केली आहे.
मागील ९ महिन्यांपूर्वी येथील एका पाच वर्षांच्या मुलाचा डेंग्यू झाल्याने मृत्यू झाला होता. त्यानंतर काही ठिकाणच्या कचऱ्याची उचल करण्यात आली होती व या परिसरात आरोग्य विभागाकडून कीटकनाशक औषधांची फवारणी करण्यात आली होती.
ही पंचायत नावेली मतदारसंघाअंतर्गत येत असल्याने स्थानिक आमदार तुयेकर यांनी लक्ष घालावे अशी मागणी येथील रहिवाशांनी केली आहे. येथील कचरा तातडीने हटविण्यात यावा, अशी मागणी स्थानिकांनी केली आहे.
या पंचायत क्षेत्रात भंगार अड्ड्यांचीही वाढ झाली आहे. या भंगार अड्ड्यांत टाकाऊ इलेक्ट्रिकल वस्तू, टाकाऊ टायर, गाड्यांचे सुटे भाग या भंगार गोळा करणाऱ्यांनी साठवून ठेवले आहेत. यातील अनेक वस्तू कित्येक वर्षांपासून त्याच ठिकाणी पडून आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.