गोवा नगर व शहर नियोजन (टीसीपी) खात्यातर्फे कायद्याच्या 3-ए चा वापर करून प्रादेशिक आराखडा (आरपी) किंवा बाह्यविकास आराखडा (ओडीपी) नियम 2024 मधील जमिनीच्या झोन बदलण्याचे नियम अधिसूचित केले आहेत. रूपांतरासाठी या नियमांमध्ये शुल्कदेखील नमूद केले आहे.
ज्या जमिनीचे रूपांतर करायचे आहे, त्यानुसार हे शुल्क 500 ते 50 हजारांपर्यंत आकारण्यात येणार आहे. झोन बदलासाठीचे शुल्क 50 रुपये ते 400 रुपये प्रतिमीटरप्रमाणे आकारण्यात येणार असून कोणत्या प्रकारचा झोन आहे, त्यावर हे शुल्क अवलंबून असेल.
पर्यावरण संवेदनशील असलेल्या विशिष्ट प्रकारच्या जमिनींचा भू-परिवर्तनासाठी विचार केला जाणार नाही. झोनमधील सर्व बदलांच्या अर्जांची सूचना मुख्य नगरनियोजकाला द्यावी लागेल.
प्रस्तावित जमिनीच्या झोनबदलाची सूचना अधिकृत राजपत्रात आणि दोन स्थानिक वृत्तपत्रांमध्ये प्रसिद्ध करावी लागेल, ज्यात सरकारी राजपत्रात आणि स्थानिक वृत्तपत्रांमध्ये अधिसूचना प्रकाशित झाल्यापासून 30 दिवसांच्या आत लोकांकडून सूचना मागविल्या जातील, असे नियमांमध्ये नमूद केले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.