पणजी: गोवा विधानसभेत राजभाषा कायदा आणण्यात आला, त्यावेळी कोकणी रोमी लिपीवर अन्याय करण्यात आला. सरकारने लोकभावनेचा विचार करून कोकणी रोमी लिपीलाही मानाचे स्थान द्यावे, अशी मागणी आमदार क्रुझ सिल्वा यांनी आज विधानसभेत केली. विविध खात्यांच्या मागण्यांवेळी ते बोलत होते.

देवनागरी कोकणीला आमचा विरोध नाही, केवळ रोमी कोकणीला मानाचे स्थान मिळावे ही आमची मागणी आहे. कोकणीला राजभाषा करावी यासाठी अनेक आंदोलने झाली. ज्यावेळी आंदोलने व्हायची, त्यावेळी जर केवळ देवनागरी लिपीतील कोकणीला राजभाषेचा दर्जा मिळणार असे समजले असते तर कदाचित एवढी मोठी आंदोलने झाली नसती.