Mayor Rohit Monserrate: पणजी महानगरपालिकेच्या महापौरपदी पुन्हा एकदा रोहित मोन्सेरात आणि संजीव नाईक यांची उपमहापौरपदी पुन्हा एकदा बिनविरोध निवड झाली आहे. रोहित मोन्सेरात हे सलग तिसऱ्या वर्षी निवडून आले आहेत. तर संजीव नाईक दुसऱ्यांदा निवडून आले आहेत.

सध्या गोव्याचे मुख्य शहर पणजीमध्ये अनेक समस्या सुरू आहेत. प्रामुख्याने राज्यभरात सुरू असलेल्या मॉन्सूनपूर्व कामांमुळे सर्वत्र रस्ते खणून ठेवले आहेत.

यामुळे वाहनचालकांना मोठ्या प्रमाणात वाहतूक कोंडीचा सामना करावा लागत आहे. रोहित मोन्सेरात निवडून आल्यावर त्यांनी आपले मत व्यक्त केले. तेव्हा त्यांनी आपले भविष्यातील व्हिजन स्पष्ट केले. ते म्हणाले की, पुढे गोव्यात होणाऱ्या G20 परिषदेसाठी तसेच मॉन्सूनसाठी पणजी शहर पूर्णपणे तयार आहे. यासाठी नेहमीच तत्पर असेन.

शहरातील रखडलेली कामे त्वरित पूर्ण होतील यासाठी मी प्रयत्नशील आहे.