मडगाव : मडगाव नगरपालिकेच्या कारभारात पारदर्शकता आणण्यासाठी त्या दिशेने पहिले पाऊल म्हणून नवे मुख्याधिकारी रोहित कदम यांनी पालिकेच्या दैनंदिन व्यवहारात हस्तक्षेप करणाऱ्या तमाम एजंटांना नगरपालिकेत मज्जाव केला आहे.
त्यांनी या संदर्भातील एक नोटिस पालिकेच्या सर्व विभागात पाठविली असून अशा कोणाही एजंटाला विभागात दाखल करून घेऊ नये, असे बजावले आहे, त्याचे उल्लंघन झाल्यास संबंधित कर्मचाऱ्यावर कारवाई होईल असा इशारा दिला आहे. मुख्याधिकाऱ्यांच्या या नव्या आदेशामुळे एजंटांसह कर्मचाऱ्यांचंही धाबं दणाणलं आहे.
पालिकेचा एक पर्यवेक्षक कार्यालयातील एका टेबलावर बसून काम करत असल्याचे नगरसेवक सदानंद नाईक यांनी त्यांच्या निदर्शनास आणून दिले व त्याला हरकत घेतली असता मुख्याधिकारी म्हणाले, पालिकेची थकबाकी वीस कोटीवर पोचली आहे, पण ती वसूल करावयाची झाली, तर व्यवस्थित आकडेवारी नाही. मडगाव पालिकेकडे कुशल व कार्यक्षम कर्मचारी नाही व म्हणून सदर पर्यवेक्षकाला आपण तेथे बसवून थकबाकीची व्यवस्थित माहिती तयार करण्यास सांगितले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.