पाकिस्तान झिंदाबाद अशी घोषणा देणाऱ्या ओमरान खान पठाण आणि शफीउल्ला रा. दवर्ली मडगाव गोवा यांना अटक करा. अशी मागणी फोंडा तालुक्यातील रिवोल्यूशनरी गोवा पार्टीचे सदस्य तसेच नागरिकांनी आज फोंडा पोलिसांत केली आहे.

(Revolutionary Goans Party Ponda said File a case against those chanting "Pakistan Zindabad")

आरजी पार्टीच्या सदस्यांनी दिलेल्या माहितीनुसार सोशल मीडियावर सक्रिय असलेला ओमरान खान पठाण, व ओमरान शफीउल्ला यांच्यावर गुन्हा दाखल करावा कारण ते पाकिस्तान झिंदाबाद अशी घोषणा देत आहेत. यातील ओमरान खान पठाण हा पॉप्युलर फ्रंट ऑफ इंडिया नावाच्या वादग्रस्त संघटनेचा सदस्य असल्याचं यावेळी सांगितलं.

दोघे ही पाकिस्तान झिंदाबाद"ची घोषणा देत असून राष्ट्रदोह आहे. त्यांच्यावर देशद्रोह कायद्याअंतर्गत आणि देशद्रोह कायद्याच्या कलम 124A आणि IPC च्या 153A अंतर्गत गुन्हा दाखल करावा. अशी मागणी करण्यात आली आहे. दिलेल्या माहितीनुसार शफीउल्लाचा व्हिडिओ सोशल मीडियावर आहे. ज्यात त्याने उघडपणे कबूल केले आहे की, ओमरान पठाणने त्याला असे करण्यास भाग पाडले.

आरजी पार्टीच्या सदस्यांनी म्हटले की ओमरान खान पठाण याच्याविरुद्ध यापुर्वी ही दोन ते तीन गुन्हे दाखल आहेत. तसेच त्याने आता जो गुन्हा केला आहे. त्या संपूर्ण प्रकरणाचा अहवाल पेन ड्राईव्हमध्ये ठेवण्यात आला आहे. ज्याची पोलिसांना पुढील चौकशी करण्यात मदत होईल. असे यावेळी त्यांनी सांगितले.