Karmal Ghat: काणकोण ते मडगाव हमरस्त्यावरील करमल घाटात अपघातांची मालिका सुरु असून काल मंगळूरहून येणारा कंटेनर कोसळल्याने वाहतूक कोंडी झाली. घाटातील रस्ता रुंद करण्याची आवश्‍यकता आहे, असे मत वाहन चालकांनी व्यक्त केले. या हमरस्त्यावर दर दिवशी किमान दोन अपघात पोळे ते बाळ्ळीपर्यंतच्या हमरस्त्यावर होत आहेत.
करमल घाटात एक तर रस्ता अरुंद व वळणावळणाचा आहे. त्याचप्रमाणे रस्त्याच्या कडेला दगड घालून मजबुती न दिल्याने अवजड वाहने रस्त्याच्या कडेला गेल्यास ती कलंडतात. त्यामुळे करमल घाटात वाहतूक कोंडी होते. तसेच अपघातग्रस्त वाहने रस्त्यावरून हटविण्यास किमान दोन दिवसांचा कालावधी लागतो. त्यामुळे वाहतूक कोडी नेहमीच होते.
काल मंगळूरहून गोव्यात चारचाकी वाहनांची वाहतूक करणारा एनएल 01, क्यू 1154 हा कंटेनर मडगावच्या बाजूने जात असताना दुसऱ्या समोरून येणाऱ्या वाहनाला बाजू देताना रस्त्याच्या कडेला कलंडून वाहनाची चाके जमिनीत रूतली. हा अपघात ग्रस्त कंटेनरामुळे करमल घाटात वाहतूकीची कोंडी होऊ लागली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
